Għid iva għal Kura Palliattiva ta’ kwalità għolja, u le għas-Suwiċidju Assistit!

Agħti Sehmek

Il-Proposta tal-Gvern dwar is-Suwiċidju Assistit

Il-Gvern bħalissa qed imexxi konsultazzjoni pubblika dwar l-introduzzjoni tas-Suwiċidju Assistit f’Malta.

Oġġezzjonijiet

X’hemm hazin fil-proposti tal-gvern? Aqra seba ragunijiet ghaliex il-proposta tal-gvern hi waqta qarriqija..

Agħti Sehmek

Uża l-formola t’hawn taħt biex tirrispondi ghal konsultazzjoni tal-gvern u tinforma lil-membri tal-parlament tiegħek.

Euthanasia Consultation - Maltese

"(meħtieġ)" indicates required fields

Isem(meħtieġ)

Isem Kunjom

Email(meħtieġ)

Distrett Elettorali:

Messaġġ(meħtieġ)

Għażiż Onor. Prim Ministru,

Għażiż/a Onor. Membru Parlamentari,

Qed nikteb lill-Prim Ministru bħala kontribuzzjoni lejn il-Konsultazzjoni Pubblika dwar l-Ewtanasja Volontarja Assistita (li fir-realita hi suwiciidju assistit); u qed nikkopja dan l-email ukoll lill-membri parlamentari li jirrappreżentaw id-distrett elettorali tiegħi.

Qed nikteb biex nuri l-oġġezzjoni qawwija li ghandi għad-dħul fil-liġi tas-suwiċidju assistit f’Malta.

Nixtieq naqsam mieghek ir-raġunijiet ewlenin għaliex ghandi oġġezzjoni kbira kontra l-legalizzazzjoni tas-suwiċidju assistit.

Kura Palliattiva

Fil-proposti 512 u 513 tal-Manifest Elettorali tal-2022, il-Gvern wiegħed li jinvesti f’kura palliattiva ta’ kwalità. Barra minn hekk, fil-proposta 654, il-Gvern iggarantixxa l-aħjar kura possibbli għal l-aħħar ta’ ħajjitna.
It-trattament tal-ħtiġijiet serji fil-qasam tal-kura palliattiva u l-kontroll tal-uġigħ għandu jkun prijorità għall-Gvern, peress li bħalissa hemm persuni li qed imutu b’uġigħ kbir b’mod mhux meħtieġ minħabba nuqqas ta’ investiment u riżorsi.

Minflok jippromwovi s-suwiċidju assistit, il-Gvern għandu jinvesti f’kura palliattiva ta’ livell dinji. Dan ghaliex, il-progress f’dan is-settur ġie biss minħabba li s-soċjetà kienet impenjata fit-tħaddim tal-għajnuna lill-morda fl-aħħar ta’ ħajjithom, u mhux biex tħeġġeġhom biex jtemmu ħajjithom.

It-Tnaqqis fil-Valur tal-Ħajja

Kull ħajja umana għandha valur intrinsiku. Il-legalizzazzjoni tal-ewtanasja tibgħat il-messaġġ li xi ħajjiet m’ghandhomx valur. Pajjiżi li introducew l-ewtanasja għal każijiet terminali — bħal Awstrija, Belġju, Lussemburgu, in-Netherlands, Spanja, u l-Isvizzera — estendew il-liġijiet tagħhom matul iż-żmien. Fin-Netherlands, issa, l-ewtanasja hija permessa għal trabi tat-twelid b’kundizzjonijiet gravi u anke għal dawk li sempliċiment “għajjiew mill-ħajja.” Fl-2024 biss, 9,958 persuna ġew ewtanizzati fin-Netherlands.

L-ebda Sistema Ma Tista’ Tipprevjeni Totalment Influenza fuq Pazjenti Vulnerabbli

Anki b’miżuri ta’ salvagwardja, huwa impossibbli li tiġi żgurata li d-deċiżjonijiet kollha dwar il-kura fl-aħħar ta’ ħajja jsiru b’mod liberu. Persuni vulnerabbli jistgħu jħossu obbligu li jeħilsu lill-familji tagħhom jew lis-sistema tas-saħħa minn certu piż. Dak li jibda bħala “dritt għall-mewt” faċilment jista’ jsir “dmir li mmut.”

Riskji

Spiss mhuwiex ċar jekk persuna li titlob l-ewtanasja tkunx tassew fi stat mentali tajjeb. Id-depressjoni u kundizzjonijiet oħra mentali jistgħu jaffettwaw il-ġudizzju, u anki l-esperti, f’kazijiet bhal dawn, jistgħu jonqsu milli jinnutaw sinjali sottili. Dan ifisser li, problema psikoloġika li tista’ tigi trattata; tista’ tiġi ikkunsidrata għal kaz raġonevoli li jikkwolifika ghal l-ewtanazja.
Il-prognosi li xi ħadd għandu “inqas minn sitt xhur biex jgħix” tista tkun inċerta. I-istatistiċi juru li l-preċiżjoni tal-prognosi hija biss madwar 23%. Dan ghaliex, it-tul tal-ħajja jiddependi ħafna mill-istat ta’ saħħa individwali, ir-reazzjoni għat-trattament, u kundizzjonijiet oħra. Il-bażi tal-eleggibilità għas-suwiċidju assistit fuq żmien ‘mbassar’ tista twassal għal żbalji fatali.

Ikissier l-Etika Medika u l-Fiduċja

Is-suwiċidju assistit jikkuntrasta mal-prinċipju etiku ewlieni tal-mediċina: “tagħmilx ħsara.” Jekk it-tobba jibdew jipparteċipaw fl-ewtanazja, dan jista’ jħassar il-konfini tal ir-rwol tagħhom bħala fejjieqa u jnaqqas il-fiduċja tal-pubbliku.

Grazzi talli qiegħed tikkunsidra it-tħassib tiegħi bħala parti mill-konsultazzjoni. Jekk jogħġobkom investu u appoġġjaw il-kura palliattiva, kif wegħed il-Manifesta tal-Gvern, u tibqgħux tippromwovu l-legalizzazzjoni ta’ kwalunkwe forma ta’ ewtanasja.

Numru tal-Karta tal-Identità(meħtieġ)

Billi qed nissottometti din il-formola, qed naqbel li l-messaġġ ta’ hawn fuq, ismi, l-indirizz elettroniku tiegħi, in-numru tal-karta tal-identità tiegħi, u n-numru tad-Distrett Elettorali tiegħi jintbagħtu lil https://www.publicconsultation.gov.mt u lill-membri tal-Parlament għad-distrett tiegħi. Nifhem li l-informazzjoni sottomessa tista’ tinżamm għall-iskopijiet ta’ monitoraġġ. Ara l-private policy tagħna għal aktar tagħrif.